ఎర్ర చీరలో మెరిసిన అనుపమ..

ఎర్ర చీరలో మెరిసిన అనుపమ..

జనం వాయిస్, సినిమా:

మలయాళీ అందాల తార అనుపమ పరమేశ్వరన్ గురించి ఎంత చెప్పినా తక్కువే. అందం, అభినయం కలగలిపిన ఈ ముద్దుగుమ్మ తన నటనతో ప్రేక్షకుల మనసులను గెలుచుకుంది. ‘ఆఆ’ చిత్రంతో తెలుగు తెరకు పరిచయమైన ఆమె, శ్రీ వల్లి పాత్రలో ప్రత్యేక గుర్తింపు సంపాదించింది.
ఆ చిత్రం తర్వాత వరుస అవకాశాలు అందుకున్న అనుపమ వచ్చిన ప్రతి అవకాశాన్ని సద్వినియోగం చేసుకుంటూ మంచి పేరు తెచ్చుకుంది. అనేక చిత్రాల్లో నటించినప్పటికీ అగ్ర కథానాయిక స్థాయిని అందుకోలేకపోయినా, తనదైన శైలిలో ప్రేక్షకులను అలరిస్తూనే ఉంది.
‘శతమానం భవతి’తో భారీ విజయాన్ని అందుకున్న ఆమె తర్వాత కూడా పలు చిత్రాల్లో మెప్పించింది. మొదట పద్ధతిగా కనిపించిన ఈ భామ, ఇటీవల చేసిన ఒక చిత్రంలో గ్లామర్ పాత్రతో కొత్త కోణాన్ని చూపించి అందరి దృష్టిని ఆకర్షించింది.
ఎప్పుడూ అభిమానులతో దగ్గరగా ఉండే అనుపమ తాజాగా ఎర్ర చీరలో మెరిసి అందాల వర్షం కురిపించింది. ఈ ఫొటోలు ప్రస్తుతం నెట్టింట విపరీతంగా వైరల్ అవుతున్నాయి. అదే అందం, అదే చిరునవ్వుతో ఆమెను చూసిన అభిమానులు ప్రశంసలు కురిపిస్తున్నారు.