ఆ తెలుగు హీరోకే లిప్‌లాక్ ఇస్తా..  మిల్కీ బ్యూటీ సరదా వ్యాఖ్యలు

📰 Generate e-Paper Clip

• ఆ తెలుగు హీరోకే లిప్‌లాక్ ఇస్తా..  మిల్కీ బ్యూటీ సరదా వ్యాఖ్యలు
• జనం వాయిస్, సినిమా:
• అభిమానులు ముద్దుగా “మిల్కీ బ్యూటీ” అని పిలుచుకునే తమన్నా భాటియా ప్రస్తుతం వరుస చిత్రాలతో బిజీగా గడుపుతోంది. తెలుగు, తమిళంతో పాటు హిందీ చిత్రాల్లోనూ నటిస్తూ తనకంటూ ప్రత్యేక స్థానం సంపాదించుకుంది. కథానాయికగా మాత్రమే కాకుండా ప్రత్యేక గీతాల్లోనూ మెప్పిస్తూ ప్రేక్షకులను ఆకట్టుకుంటోంది. కొన్ని సందర్భాల్లో ఆమె చేసిన ప్రత్యేక గీతాలే ఎక్కువ ప్రాచుర్యం తెచ్చిపెట్టినట్టు సినీ వర్గాలు చెప్పుకుంటున్నాయి. తెలుగులో తక్కువ కాలంలోనే అగ్ర కథానాయికగా ఎదిగిన తమన్నా, ‘శ్రీ’ చిత్రంతో ప్రవేశించి, ‘హ్యాపీ డేస్’ సినిమాతో మంచి గుర్తింపు పొందింది. ఆ చిత్రం విజయవంతం కావడంతో వరుస అవకాశాలు ఆమెను వరించాయి. ప్రముఖ హీరోల సరసన నటిస్తూ కొన్నేళ్ల పాటు తెలుగు చిత్రసీమలో తనదైన స్థానాన్ని నిలబెట్టుకుంది. అనంతరం హిందీ చిత్రరంగంలోకి అడుగుపెట్టిన తర్వాత తెలుగులో అవకాశాలు కొంత తగ్గినట్టు ప్రచారం జరిగింది. ఇటీవల ఓ సంభాషణ కార్యక్రమంలో ఆమె చేసిన సరదా వ్యాఖ్యలు మళ్లీ చర్చనీయాంశంగా మారాయి. ముద్దు సన్నివేశం చేయాల్సి వస్తే ఒక తెలుగు హీరోతోనే చేస్తానని చెప్పినట్లు పాత వ్యాఖ్యలు సామాజిక మాధ్యమాల్లో విస్తృతంగా పంచుకుంటున్నారు. ఆ హీరో మరెవరో కాదు విజయ్ దేవరకొండ అని అభిమానులు గుర్తుచేస్తున్నారు. ఆ వ్యాఖ్యలు సరదాగా చేసినవేనని ఆమె అభిమాన వర్గం చెబుతోంది. ఇదిలా ఉండగా విజయ్ దేవరకొండ, రష్మిక మందన్న వివాహం ఈ నెల 26న జరుగనున్నట్లు ప్రచారం సాగుతోంది. ఈ నేపథ్యంలో తమన్నా పాత వ్యాఖ్యలు మరోసారి చర్చకు దారితీశాయి.